(越辰家政软件新闻)

　　祖国运动界之光姚明虽然宣布引退,不过佢嘅名声同影响力仍然系有增无减,以佢个名｢yaoming｣登记嘅互联网域名,更加系价值连城｡

　　拥有｢yaoming﹒cn｣嘅系一名浙江商人吴伯为,2006年已经注册呢个域名,之后当然一路都无用到,依家开价100万人仔,系咁多个姚明域名之中最狼嘅一个｡另外较为相宜嘅域名就有yaoming﹒com﹒cn,便宜九成,只需要10万蚊人仔｡

　　点解卖到咁贵?其实大家都系博姚名会步｢篮球之神｣米高佐敦后尘,推出以自己品牌为名嘅产品,咁姚明域名就变咗一个好重要嘅公司icon｡

　　不过,缸湖中人又唔好乱来谂住有得炒,皆因之前都唔系未试过,一啲知名公司或人士控告炒域名人士不当占用域名,炒卖呢类域名随时得不偿失｡

　　*汇丰宣布裁员后王冬胜无影*

　　狮子银行噚日(7日)公布香江将会喺未来三年裁员3000人,创下狮子行喺香江嘅裁员人数纪录,咁啱得咁桥,佢地今日(8日)就有个汇丰慈善基金30周年嘅公开活动,而获邀出席嘅嘉宾名单之中有王冬胜､马凯博等等嘅狮子行高层人员之外,仲有埋专责劳工事务嘅劳工及福利局局长张建宗,咁嘅阵容,吸引大批记者走去摆定摄影机等问问题｡

　　小记当然唔会放过咁嘅场面,亦都一早去到现场谂住同Peter打个招呼｡点知去到狮子行总部大楼之时,就已获告知Peter同马凯博今日都有要事嚟唔到｡在场记者听到呢个消息亦只有叹息,因为到最后就只系剩返张建宗等人喺到,可以话系缘悭一面｡

　　*香江局长人工远远跑输通胀*

　　香江通胀高企,7月份更加去到差唔多8%水平,认真吓人｡咁高通胀,打工仔梗系希望可以加人工帮补,全体公务员亦有得加薪6﹒16至7﹒24%,本来一班问责官员有望回复减薪前嘅人工,不过,小记听到消息,全体问责官员将会继续冻薪,即系话人工升幅远远跑输通胀!点解咁无阴功?据小记打探,问责官员喺金融海啸期间自愿减薪超过5%人工,本来煲呔都希望喺咁高通胀嘅日子可以加返佢地份粮,点知近日太多敏感政治议题,加上接近区议会选举,多一事不如少一事之下,唯有就委屈一下呢班政府精英啦!(